Aşgabat şäherinde tennis boýunça ýaryşlar geçiriler

Türkmenistanyň sport we ýaşlar syýasaty ministrligi bilen Türkmenistanyň tennis federasiýasynyň bilelikde guramagynda 8 — 13-nji oktýabr aralygynda Aşgabat şäheriniň Olimpiýa şäherçesiniň kortlarynda 18 ýaşa çenli türgenleriň arasynda Türkmenistanyň tennis birinjiligi, tälimçileriň gatnaşmagynda okuw maslahaty, şeýle-de Halkara tennis federasiýasynyň (ITF) wekili Amir Borgeiniň gatnaşmagynda ilkinji höwesjeňleriň tennis ýaryşy geçiriler. Belläp geçsek, Amir Borgei Türkmenistana amala aşyrjak saparynyň dowamynda «Saglyk, bilim we sport Berkarar döwletiň täze eýýamynyň Galkynyşy döwründe» atly halkara maslahatda çykyş eder.